حسين بن سوده | الموقع الشخصي
|
ياماحلا عشرين شاعر قالها ياماحلا
ياماحلا /كذا../كذا../بأقوالهم متفائلين
|
|
وانا بعد بااقولها لوكان قلبي ماسلى
يامحلا خوة رجالاً طيبين وغانمين
|
|
اللي بهم دوم افتخر وأعلن على كل الملا
وأعرض عن اشباه الرجال المغرضين الحاقدين
|
|
اهل البسيطه تشترك في النار.والماء.والكلا
ونْاس لو شي في يديهم ماعطونا الاكسجين
|
|
اللي بوجهي جاملوني ياهلا والله هلا
وأن غبت عنهم يطعنون الظهر بالحكي المشين
|
|
|
|
وانا من الي مجدهم لين الثرياء اعتلى
رجال ماتخضع سوى لله رب العالمين
|
|
والهاجس الي هدني. هيا ارحلا قوم ارحلا
ماودي ارحل من سكوني وأرجع بخفي حنين
|
|
هذي رساله صغتها عبر القوافي وانجلا
عن خاطري همٍ كبير وفوق ماتتصورين
|
|
الى هنا وبغلق الموضوع يا(همسة غلا)
من قبل لخرج عن نطاق التغطيه .والصبر زين
|
|
وحسين لامن ضاق صدره بالمشاكل وابتلى
وْجاه ضغط السكري يكتب قصيده (أونسلين)
|
|
وأقول لا./ وارجع وأكرر /لا./ ولا./ والف لا
مايلدغ المؤمن ابد من جحر واحد مرتين
|
