عيب

ياعيد ماعادت معـي تفـرق… تجـي ولا تـروح

وش الجديد؟ اللـي يسـر الحـال يالعيـد  السعيـد

عام أشتكي لك من جروح…العام ذا نفس الجروح

وأن كان ماعنـدك جديـد لاتقتـرب خلـك  بعيـد

مادام أشوف أن الوسايل ((عيب)) والمقصد شحوح(!)

باقوم وأذبـح غايتـي مـن الوريـد الـى الوريـد

ومادام ماحد يستمع الأسـرار لـو قـررت  أبـوح

بحـط مـن دون الصـدر ياعيـد بوابـة حـديـد

الوقت مايحفظ صروح الا يهـد أعـرق  صـروح

وانـا ضحيـة (علمنـة) نظـام عالمنـا الجـديـد

تعبـت وينـك يا(أمـل) وْضقـت وينـك ماتلـوح

ماتشوفني من كم سنه واقف علـى دربـك  وحيـد

حتى طموح الشاعـر المجنـون ماعـادت طمـوح

يحـس كـن النـاس ماتقـرا ولاتسمـع  قصيـد