يازين

_{لد النظر… يازيـن.. يازيـن.. يازيـن}

                      _{ان كـان باقـي للمحبـّه مــروّه}

_{القلب لـك موطـن تعـال اسكنـه ليـن}

                _{تضفي على بـرّه.. وبحـره.. وجـوّه}

_{ما تذكر أني صابـر سْنيـن..  وسْنيـن}

                 _{واقـول لـوّه يعطـف الزيـن..  لـوّه}

_{وِشْ فيك ما ترحـم ولاقلبـك  يليـن؟}

                 _{حتـى العـدو يمكـن يـروف بعـدوّه}

_{لا تحسـب الثـروه ميـات  الملايـيـن}

               _{والعقـل ثـروه.. ما تقـارن.. بـثـروه}

_{لو ضاقت الدنيا مـن يْسـار  ويميـن}

                       _{إنا خويـّي تـاج راس المخـوّه}

_{بقـول تكفـى صاحبـي.. يا حمرعيـن}

             _{ياللي كسـاك.. الطيـب شيمـه  ونخـوه}

_{طرّش علـى الجـوال بيتيـن… بيتيـن}

             _{دام أن قصيدك في سمـا الشعـر ذروه}

_{يا خيـر مـن يفهـم ظـروف المحبّيـن}

              _{إن قلت هـوه… صـدق ما غيـر هـوْه}

_{يفزع معـي فزعـة هـل الديـن لديـن}

               _{ويشيل همـّي كلّمـا…. شـبّ  ضـوّه}

_{ما بين.. (دار الظبي) و ( دبي) و ( العين)}

               _{بين الرجا واليـاس… والقصـد انـوّه}

_{حـظـّي خذلـنـي مـطـلـع  2002}

               _{هدّم طموحـي.. وانحـدر مـن  علـوّه}

_{حتى اختلط في عينـي الزيـن  والشيـن}

               _{ما عدْت افـرّق بيـن…. مـرّه وحلـوه}

_{أقرر ارحل بس.. من وين؟ إلـى ويـن؟}

              _{أمد خطوه.. وارجـع الخلـف  خطـوه}

_{والى.. متـى بعديـن.. بعديـن.. بعديـن}

                  _{والصبر.. منه القلـب يعلـن خلـوّه}

_{والقلب صوبك ساقنـي يَـ اريـش  العيـن}

               _{من غير لا موعـد ومـن غيـر دعـوه}

_{ودّي تشوف (حْسين) وتقول يَـ (حْسيـن)}

               _{توّه… وقر.. حبك فـيّ القلـب… تـوّه}