للعام الثاني منتدى سحايب أدبية يشارك بجناح خاص في معرض ابوظبي للكتاب 2013 كأول موقع ومنتدى اكتروني يشارك في مثل هذه الفعاليات يضم جناح المنتدى حوالي 15 عنوان يتم توزيع غالبيتها مجانً وتباع بعض الكتب بأسعار رمزية ويعرض هذا العام كتاب (نظم القلايد في مدح محمد بن زايد ) للشاعر علي بن سالم الكعبي وإشراف وتنسيق حسين بن سوده كذلك ديوان ...

http://www.youtube.com/watch?v=KQV-3BRs2N0

الزملاء عيضة بن مسعود وسالم الزمر وعلي السبعان – لجنة المسابقة الشعرية

الزملاء / زايد الرويس وجاسم الماس

ننسى .. وعادت مواجعنا تذكرنا كنّ الشقى… حالف أنه مايعدينا ضقنا وضاقت بنا والضيق آسرنا قيود في افكارنا وقيود في ايدينا عشنا وشفنا.. ولا طابت خواطرنا ولا عرفنا اصدقانا من اعادينـا على جدار الزمان انعلق اصورنا ومن تهجا ملامحنا…. ينادينـا هنا نحاصر مواجعنا وتحاصرنا ودروبنا ياعوض عيّـت تودينـا قوافل القوم تدخل من معابرنـا واحنا على أعتابها.. رحنا وردينا لو أننا… ...

من باب جلّد الذات يامَرْكَب التَيـه خِذْني…. بَلا تحديد وِجْهَه وعِنوان خِذنْي… مسافِر كل الاوطان تنفيه زاده شعرِ والأمتعة شَنْطَة أحـزان خذني رجل مبدأ… تخونه مباديـه في حضرة السلطان ساقوه قُربـان خِذني وطَنْ|ضاقَتْ حدوده بأهاليِـه خِذْني وطَنْ|مهجور ما فيه سِكِّـان خِذْني [ فِكِر] مسجون ومكِبّل ايديه تبكي له الجدران.. وتغيض سجّان من ضِيْقتي.. ضاق الخليج وْمرافيه يانِعْمَة النسيان… محتـاج نسيـان ...

لاتسـألوني عن غيابي ياهل الســاحة ونا شاعر على نفسه من اسباب الكتابه منطوي : يبني من احلامه مـدن… والوقت يهدم مابنا ويرتب أفكـاره …ويهديها لعـالم فوضوي : أفنى جهوده في سبيـل الآخرين ولا جنـى غير العتب واللوم والهرج الرخيص الملتوي : ولاتوقّـف وانثنى….ولابَرَك …ولا انحنى واصل مسيره والدروب الموحشة تعوي عوي : شاعر وحظه لابُعد جداً…. ولا منّه دنــا ! ...

يا هاجسي سلّم علـى عالـم الـذوق وان كان باقـي ذوق بالشعـر لايـق وان قلت ما حصّلت فِـالناس مخلوق سلّم على نفسـك.. وحـلّ  الوثايـق واقطع حبال الفكر معلـوق  معلـوق ما عاد لي طاقـه ولا انتـه  بطايـق الطقس غايم والسما رعـد  وبْـروق والجو رايق.. بـس مانـي  برايـق محبط.. ومتشائم.. وضايق.. ومخنوق واكثار مثلي بيـن محبـط  وضايـق إن كانت الأذواق مـا تنتـج  فْـروق وِشْ فايدة لـو نختلـف فِـالطرايـق بيت الشعر محروق لا شك محـروق دام المطافي مـن تشـب  الحرايـق لكن بحكم السوق يا منطـق  السـوق رخصه تجاريه.. كـروت  وبطايـق نتقاسم الساحـة عمـولات وحْقـوق ونواجه الواقـع… حقايـق  حقايـق

  يَـاهل الودايع لا تلومون القطاع المصرفـي عْقولكـم متفاوتـه.. وأرباحكـم  متفـاوتـه والاقتصاد اللي مهوب (الاقتصاد المعرفـي) معَ مـرور الوقـت يتبيّـن مـدى رخاوتـه واللي مَ يملك في القلوب الاّ الرصيد العاطفي إن مَ ارفعوا غلاوته.. ما نقّصـوا  غلاوتـه هذا رصيده عندما كان بْحضـوري  يحتفـي وْذا رصيده مـا تغيّـر مـن بعـد  جفاوتـه إن غاب قلْنا له وفي.. إن عاد قلنا له  وفـي يبقى انبطاعي عنْه في لينـه وفـي قَساوتـه أما انت يللي كل ما شبّيت ضوّك..  تنطفـي في وقت ما عاد الغبي تشفع معـه  غباوتـه خوي.. لكنك تذكّرنـي بْـ(حامـد  آصفـي) صداقته.. ما جنّبتني مـن ضـرر  عداوتـه وْقبل لا نطوي مسافـات العتـاب  ونكتفـي ونترك الفاضـي يعالجهـا علـى  فضاوتـه أحذّرك من بايع الحلوى (عمـاد الأشرفـي) لـو طعّمـك كنافتـه مـاذوّقـك بقـلاوتـه  

أفتَحْ على الشارع الشرْقـي شبابيكـي واعلِّقْ اليـوم بيـن الوَهْـم والواقـع واعيش لحظَة أمَلْ وان عاد  تشكيكـي من ضيقة الحال أقوم آمَتِّـر الشـارع مظلوم مظلوم يا العصـر  المماليكـي ما بين طالِعْ ونازِل.. نـازِل  وْطالِـع لو كِنْت صعلوك من ضمن الصعاليـكِ ما كنت الاول وصِرْت المركز  الرابع تعبْت وانهـار تخطيطـي.. وتكتيكـي أمام مـن يقـرؤون الكـفّ والطالـع ما بين شِعْر (الحداثه) و  (الكلاسيكي) منَحْت شِعْري صفة (ظبياني  الطابـع) وْجيت ساري علـى دَرْب  المهاليـكِ واتنشَّد الليل وينك غِبْـت  يَـالقاطـع؟ (رمزي كلارِكْ) وزير العَدْل الامريكي أصبَح محامي مَـعَ صَـدَّام  وِمْدَاِفـع والاَّ انْت من دِيْرتي واهْلـي  أهاليـكِ يعني تعذَّر بـأيّ اعـذار مِـشْ نافـع وآخـر نـدا بَعْـدِهْ آسَكِّـر شبابيكـي عطني أمَلْ.. قَبْل لا تعطينـي الدافـع

الليله الليله هواجيس الشعر من كل صوب جتني على شكل السكون الي قبيل العاصفه وأنا من العصر انتظر والشمس مالت للغروب بسري ولو نصف العرب ماتدري ايش السالفه بعض الدروب ادلها وأتيه في بعض الدروب والهم شكل ناصفه والضيق شكل ناصفه شاعر أحس بداخلي تتجسد أحلام الشعوب الي غلبها اليأس من كثر الوعود الزايفه وش هي جنت غير الكوارث والمآسي ...

  أرحلي والبَحْر ما يسمع ندا واصوات  غَرْقـى ارحلي والليل دَرْبِك والرّعَدْ والبَـرْق  بَرْقِـي سافري في قاع جَرْدا والسما بالسِحْـب زَرْقـا دامِكْ أوَّلْ من ظِمِي من سِبّتي واسقاه  عِشْقـي وانتي أوَّلْ من بنى لي صَرْح حبّ وْسِلّمْ  أرقى وانتي أوَّلْ من نصَبْ لي مشنقه.. واغراه شَنْقي وانتي أوَّلْ من عطاني دَرْس وِشْ مَعْناة فَرْقـا وانتي أوَّلْ من عطيته دَرْس كيـف آرِدّ حَقّـي كِنْتي أوَّلْ شَخْص (يوْقِدْني) شَغَبْ وافكار خَرْقا وانتي أوَّلْ من حَرَقْ بالذاكره في يوم  حَرْقـي كِنْتي أجمل من نساء الكون كِلّه وانتـي أتقـى وانتي أنقى ليتني قادر على تكذيـب  صِدْقـي كِنْتي أوَّلْ من عطى للحبّ واهْل الحـبّ حَقّـا وانتي أوَّلْ عنصريّه مارسَتْ تطهيـر عِرْقـي إرحلي وارضي غرورك واستبيحي ما  تبقّـى إخرفي تَمْري وَلا ترضين قَبْل احراق  عِذْقـي إرحلي عِنْد المغيبْ ويَمّمـي بالوَجْـه  شَرْقـا واذكريني عِشْق شَرْقي واذكريني عِطْر  شَرْقي واذكريني في شقاوَة طِفْل واعْنَدْ مِنْـه واشقـى واذكريني في وقَار الشيخ في صَمْتي  وْنِطْقـي واذكريني شاعِر أرقى من شِعِر وافكار  حمقى إذكريني مِخْتلِفْ في فِكْري.. اسلوبي.. وْطَرْقي   2008

الوقـت ضيّـق والإجـازه  قصـيـره والوعد منّك للأسـف غيـر  مضمـون هذا أنت مابين  الجميـرا وديـره وانا مقيّـد فـي اتيكـات  (سوربـون) يللي حملت مْـن الصفـات  الخطيـره أفكار بـن جريـون وافعـال شـارون ظلمتنـي والظلم حاجة كبيرة والعاقبة للمتلقي وانت مديون واحرمتني مـن حـب سلمـى وميـره اللي على افكـاري وشعـري يموتـون مَ ادري علامـك يـا عمـيّ البصيـره أقول لك من “هون” وتقـول مـن “هـون” مـادام تتحـرّى الامـور  الصغـيـره وِشلون قل لي يضبط الوضع وِشْ لون أجيـك شاكـي شـر وقتـي  وخيـره أبيـك تـدري قبـل للنـاس يــدرون وْتحسـب انـي بـس مجنـون غيـره مجنـون.. لا والله مـانـي بمجـنـون لـو كـلّ مـن بيـده يقـرّر مصيـره ما كان اجيك وْفي يدي غصْـن زيتـون

علي الحرام ان الوفاء طبع فَـاهل  العين إذا خابت افعال الرجاجيـل مـا خابـوا طويلين الأيدي ما علمْنـا قصيـر ايديـن على المرجله شبّوا.. على المرجله شابوا يطيب الرجِل من بعد ما يبلغ  الخمسيـن وهمْ تحت عشرين السنه بالوفـا  طابـوا واذا عدّد عْيوب الأجاويد (ابو  وجهيـن) هل العين مدحوا في الأجاويد ما  عابـوا واذا تنتخي فِـالضيق برجال  معروفيـن يغيبون.. وأهل العيـن لبّـوا ولا غابـوا واذا قلت دار الزين اي بالله دار  الزيـن ولو شك فيني بعض الاحباب  وارتابـوا وما همّني دام الوفا طبع فَـاهـل العيـن إذا خابت افعال الرجاجيـل مـا خابـوا

يْقول نتشابه وانا اقـول: لا.. فـرْق أمّـا الضحايا..كـل منّـا ضحـيّـه أنا ضحيّه..لاختلافي في..  الطـرْق وانته ضحيّه.. مـن قصايـد  رديّـه أنا أزرقوني من سهوم الغـدر  زرْق وانته.. مدلّـل فـي عيـون أنثويّـه أنا عطوني(للسحب) تجـزي البـرْق وانته عطيّـه.. مـا وراهـا جزيّـه أنا احترقت أجنّب اخوانـي الحـرْق يوم الخـوي بيديـه يحـرق خويّـه واعفيت يا (روح القضا) تهمة السرْق عشـان.. تسرقنـي أيـادي  خفيّـه قدّمتني قربـان للغـرب يـا شـرْق وأرضيتهـم..ولا رضيتـه  علـيّـه واستشهد التاريخ في مقلتـي  غـرْق يعني ضحيّه فـي عيـون الضحيّـه

يللي على دار زايد جـاي أو  رايـح أشتاق لك كثْر.. روحاتـك  وجياتـك من طيب قلبك معاي وعقلك  الراجـح يتغيّر الوقت.. مـا غيـرت عاداتـك لوكان سهم الغلا في البورصه طايـح ماطحت من قلب من يغليك و …….. ركّز على شاعرك مشروعك الناجـح في حال تخسر يعوّض لك خَساراتـك والبـارح الله يسامـح ليلـة  البـارح من حيث ما كنت تقضي معظم اوقاتك ثارت جنون المشاعر والهدف  واضح تذاكرك…فندقك…بنكك…مطاراتـك ثورة أحاسيس ماهـي ثـورة الفاتـح تقتصّ من جدول اعمالـك ورحلاتـك الناس تخطي ولكـن الخطـا الفـادح أن تستمر في الخطا وتزيـد غلطاتـك وان شفت حالك بعين الشاعر الكـادح يمديك تلحق قطار العمـر لـو فاتـك

يـا ملتقـى عالـم الإبـداع والشهـره من ملتقاكـم نذيـع اخبـار  حصريّـه أخبار يطغى عليهـا الرمـز والشفـره لو كان مـا هـي بمعلومـات  سريّـه بس المهم يغني الموجز عـن  النشـره مـع تفاصيـل صوتـيّـه  ومقـريّـه يا ملتقى اهل الطرب والرقص والسهره يكفي عبـث بـسّ بعقـول الصغاريّـه الحريّـه ويـن وأنتـم ويـن ياحسـره يللي تصيحون بأعلى الصـوت حريّـه يا آفة العصـر يالجرثومـه  الخطـره لي تنقـل امـراض روحيّـه وفكريّـه عديمي احسـاس والأخـلاق  مندثـره عرب فيّ الشكل بـس قْلـوب عبريّـه وْعيـد راس السنـه تْباركـوا  ذكـره وْتجهلـون أي عــام الآن هجـريّـه مـا الومكـم والفضائيّـات منتـشـره فـي بيوتنـا تنقـل الحفـلات فوريّـه واعلامنـا ذي تناسـى مقتـل  الـدرّه يْتابـع اخـبـار عـدويّـه ومـاريّـه أشره عليكم حشـى والله مـا  باشـره أشره على أصحاب الأفكار  التجاريّـه سـؤال للمخـرج المنبـوذ والنـكـره لي علّم البنت ترقـص شبْـه  عاريّـه شْ لون يخدم بلاده هَزّ مـن  خصـره أن مـا خدمْهـا ببـاروده  وشبـريّـه يا لعن ابوهـا مجلّـه تطـري لْذكـره وْلعن ابو جدّهـا موضـات  عصريّـه أجيال ضاعت وضاع المجتمع  باسـره وانا بطالب بوضـع احلـول  جذريّـه مطلوب وقفه تصـد الهجمـه  القـذره بْقـوة احـكـام قسـريّـه وقهـريّـه وارجع وأكرر عتب مـرّه ورا  مـرّه أعتب على اصحاب الافكار  التجاريّـه

على إثر ما صابني من نوبة احباط وضجـر كنّي بقول الله أكبر ما بقـى شـي  اخسـره كانت طموحاتي تعدّي بي على سطح القمـر واليوم ما عادت تجازو بي حواف المسطـره ماني بشاعر بس لي معنى ولي وزن وبحـر بالمختصر هاوي شعر خارج حدود  السيطره أفنيت في الدنيا عمر اتعلّم شْ لـون  البشـر تخطي وترجع ترتكب نفس الخطأ  وتكـرّره وكلْ ما قلت أستتب الأمن والحـال  أستقـر فجأه لقيت أهل الشعر واجوا الشعر متوتـره والساحه اللي ما نفع معها دوا وخـز الأبـر تحتاج الى جرّاح متخصّص بعلم  القسطـره ولا النـظـر 6/6 بفـحـص المخـتـبـر بس الخطر والمشكله قلبٍ.. وإذن.. وحنجره وِشْ تنتظر يا متقن اللعبه باساليـب  الهكـر وِشْ تنتظر والظاهره ترقى لحـد المسخـره ملّيت ملّيت اسمعك صبر صبر صبر صبـر إلى متى تجبرنـي اتحمّـل قصايـد ثرثـره شاعر ويخلط بين أساليب العمـودي والنثـر والشعر قد لا يدركه وْ شـي مـا يتصـوره وما يعيش الاّ الجزل طال الزمن ولاّ قصـر ولاّ الهزل قـد نسمعـه مـره ولا  نتذكّـره أمّا الهنوف اللي تمرّ الذاكره صوت  وصور أستنفدت كلّ الصبر من أوّلـه ليـن  آخـره تخطي وتجرح كلّ مرّه والعذر نفس  العـذر يا كثر ما هي تستغل العفـو عنـد المقـدره إن أقبلت وْشفتها أنسـاك يـا وجـه الفقـر وان أدبرت ذكرت حجم أقساطي  المتأخّـره خسرتها ضمن الطموح اللي على سطح القمر وأستغفر الله لو بقول ان ما بقى شي  اخسره

ياماحلا   عشرين    شاعر    قالها    ياماحلا ياماحلا      /كذا../كذا../بأقوالهم      متفائلين وانا   بعد   بااقولها   لوكان    قلبي    ماسلى يامحلا    خوة    رجالاً    طيبين     وغانمين اللي  بهم  دوم  افتخر  وأعلن  على  كل  الملا وأعرض عن اشباه الرجال المغرضين الحاقدين اهل  البسيطه  تشترك  في  النار.والماء.والكلا ونْاس لو  شي  في  يديهم  ماعطونا  الاكسجين اللي   بوجهي   جاملوني   ياهلا   والله    هلا وأن غبت عنهم يطعنون الظهر بالحكي  المشين   وانا  من  الي  مجدهم   لين   الثرياء   اعتلى رجال  ماتخضع   سوى   لله   رب   العالمين والهاجس الي هدني.  هيا  ارحلا  قوم  ارحلا ماودي ارحل من سكوني وأرجع  بخفي  حنين هذي  رساله  صغتها  عبر   القوافي   وانجلا عن  خاطري  همٍ   كبير  وفوق  ماتتصورين الى  هنا  وبغلق   الموضوع   يا(همسة   غلا) من قبل لخرج عن نطاق التغطيه .والصبر زين وحسين لامن  ضاق  صدره  بالمشاكل  وابتلى وْجاه ضغط السكري  يكتب  قصيده  (أونسلين) وأقول لا./ وارجع وأكرر /لا./ ولا./ والف لا مايلدغ  المؤمن  ابد  من  جحر  واحد   مرتين

ياعيد ماعادت معـي تفـرق… تجـي ولا تـروح وش الجديد؟ اللـي يسـر الحـال يالعيـد  السعيـد عام أشتكي لك من جروح…العام ذا نفس الجروح وأن كان ماعنـدك جديـد لاتقتـرب خلـك  بعيـد مادام أشوف أن الوسايل ((عيب)) والمقصد شحوح(!) باقوم وأذبـح غايتـي مـن الوريـد الـى الوريـد ومادام ماحد يستمع الأسـرار لـو قـررت  أبـوح بحـط مـن دون الصـدر ياعيـد بوابـة حـديـد الوقت مايحفظ صروح الا يهـد أعـرق  صـروح وانـا ضحيـة (علمنـة) نظـام عالمنـا الجـديـد تعبـت وينـك يا(أمـل) وْضقـت وينـك ماتلـوح ماتشوفني من كم سنه واقف علـى دربـك  وحيـد حتى طموح الشاعـر المجنـون ماعـادت طمـوح يحـس كـن النـاس ماتقـرا ولاتسمـع  قصيـد

القصيـد اللـي كتبتـه ،مايسـد ولا  يكفـي والإمارات أكبر أكبر من دواويـن وقصايـد والكلام اللي حسبـت أنـه يوفـي  مايوفـي عند ذكر الشيخ زايد أو حد أبناء الشيخ  زايد والوطن لوجيت أوصف مستواه يفوق  وصفي كيف أوصف في تطور في رخاء وأمن  سايد كيف اقول.. وش اقول.. وش أبين وش أخفي في سياسه وأقتصاد في سلوم وفـي  عوايـد من زمان الأندلس والمجد والتاريـخ  منفـي وأبتحاد السبع كان المجـد والتاريـخ عايـد جاء خليفه مثل زايد بالعطاء والخير يضفـي والقياده والزعامـه أرث مـن قايـد  لقايـد ماقدرت أكتب وطول خانني قافـي وحرفـي والإمارات أكبر أكبر من دواويـن وقصايـد والكلام اللي حسبـت أنـه يوفـي  مايوفـي عند ذكر الشيخ زايد او احد ابناء الشيخ زايد

يا صاحبي عشرين مرّه قلت لـك  لا تشتكـي                   لا تشتكي من جور بقعا والظـروف المنهكـه   دام ان حياتك معركه خلّك ذكي .. خلّك ذكي                  واصبر على جور الزمن. تقدر تدير المعركه   اللي تعوّد يشتكي… والله لو يبكـي..  بكـي                        ما يرحمه وقته.. ولا تنفع معـاه  البكبكـه   يا هيه يللي تلعب ادوار الفقيـد أحمـد زكـي                        ...

لد النظر… يازيـن.. يازيـن.. يازيـن                       ان كـان باقـي للمحبـّه مــروّه القلب لـك موطـن تعـال اسكنـه ليـن                 تضفي على بـرّه.. وبحـره.. وجـوّه ما تذكر أني صابـر سْنيـن..  وسْنيـن                  واقـول لـوّه يعطـف الزيـن..  لـوّه وِشْ فيك ما ترحـم ولاقلبـك  يليـن؟                  حتـى العـدو يمكـن يـروف بعـدوّه لا تحسـب الثـروه ميـات  الملايـيـن                والعقـل ثـروه.. ما تقـارن.. بـثـروه لو ضاقت الدنيا مـن يْسـار  ويميـن                       ...

http://binsudah.uaedes.ae/wp-content/uploads/2013/03/2.mp3